આજરોજ શ્રી કઠવા પ્રાથમિક શાળા ખાતે “શાળા પ્રવેશોત્સવ અને કન્યા કેળવણી મહોત્સવ”
આજરોજ શ્રી કઠવા પ્રાથમિક શાળા ખાતે “શાળા પ્રવેશોત્સવ અને કન્યા કેળવણી મહોત્સવ”
અંતર્ગત બાલવાટીકામાં નવા પ્રવેશપાત્ર બાળકોનો તથા આંગણવાડીમાં નવા પ્રવેશપાત્ર ભૂલકાઓનો પ્રવેશોત્સવ ઉજવવામાં આવ્યો. જેમાં મુખ્ય અધિકારી શ્રી ઊર્મિલાબેન સથવારા- સી.ડી.પી.ઓ.-તળાજા-1, લાયજન અધિકારી શ્રી નિલેશભાઈ મોરી- સી.આર.સી.- ત્રાપજ, કઠવા ગ્રામ પંચાયતના સરપંચશ્રી હકાભાઈ મેર, ફોરેસ્ટ વિભાગમાંથી શ્રી સી.આર.ધાંધલ્યા, બન્ને શાળાના આચાર્ય, બન્ને શાળાનાં એસ.એમ.સી. અધ્યક્ષ, એસ.એમ.સી.ના સભ્યો, બંને શાળાનો સ્ટાફગણ, આંગણવાડી કાર્યકરો, અને બહોળી સંખ્યામાં વાલીગણ ઉપસ્થિત રહ્યા હતા.
જેમાં સૌથી પહેલા દીપ પ્રાગટય કરી કાર્યક્રમની શરૂઆત કરવામાં આવી તથા મહેમાનોનું કુમકુમ તિલક કરી સ્વાગત કરવામાં આવ્યું.ત્યારબાદ મુખ્ય અધિકારી અને લાયજન અધિકારી દ્વારા નવા બાળકોનો પ્રવેશ કરાવી સાથે તેજસ્વી બાળકોને પ્રોત્સાહક ઇનામ આપવામાં આવ્યા હતા.
દાતાશ્રી નિરુભાઈ બબાભાઈ બારૈયા દ્વારા બાળકોને કીટ અને સ્લેટ આપવામાં આવી તથા પંડ્યા ચેતનભાઈ હરિશંકરભાઈ પંડ્યા દ્વારા બાળકોને આંક અને કાકરાંનું બોક્સ આપવામાં આવ્યું હતું. શાળા દ્વારા મુખ્ય દાતાઓનું સન્માન કરવામાં આવ્યું. ત્યારબાદ મુખ્ય અધિકારી અને લાયજન અધિકારી દ્વારા પ્રેરક ઉદબોધન કરવામાં આવ્યું હતું. અંતમાં તમામ સભ્યોએ મળી વૃક્ષારોપણ કરવામાં આવ્યું હતું.
